08.08.2018

Son üç ildə Süveyş kanalından 52199 gəmi keçib

Süveyş kanalı onun yeni məcrasının (Süveyş kanalının qismən dublyoru) işə salındığı vaxtdan  – 2015-ci ilin avqustundan 2018-ci il iyulun sonunadək dövlətə rekord həcmdə – 15,8 milyard dollar gəlir gətirib. Bu məlumatı Süveyş kanalı Administrasiyasının sədri Mohab Mamiş Qahirədə açıqlayıb. Onun sözlərinə görə, 3 il ərzində 52199 gəmi rekord miqdarda yüklə Süveyş kanalını keçib. Göstərilən dövrdə dəniz yükdaşımaları 3,01 milyard ton təşkil edib. M.Mamiş qeyd edib ki, Süveyş kanalından gələn gəlir 2017-2018-ci maliyyə ilində öz tarixində ən yüksək həddinə – 5,6 milyard dollara çatıb. Azərtac

© Materiallardan istifadə edərkən hiperlinklə istinad olunmalıdır