31.07.2018

Meksikaya məxsus tankerin heyəti dizenteriya xəstəliyinə yoluxub

Meksikaya məxsus “Mariano Abasolo” tankerinin heyəti dizenteriya xəstəliyinə yoluxub. Bu barədə Meksika Dəniz Admnistrasiyasından məlumat verilib. Bildirilib ki, gəmi Meksika körfəzində lövbər atıb. “Tankerdə olan 17 heyət üzvü təcili nəzarətə götürülüb, hazırda müalicə olunurlar. Meksika donanması tərəfindən onların müalicəsi üçün xüsusi tibbi heyət ayrılıb”-deyə, məlumatda qeyd olunur. Qeyd edək ki, dizenteriya yoluxucu və epidemik bir xəstəlikdir. Su və ya qidalarla yayılır. Xəstələr qarında, daha çox sol qalça çuxuru nahiyəsində lokallaşan kəsici tutmaşəkilli ağrılardan şikayətlənirlər. 

© Materiallardan istifadə edərkən hiperlinklə istinad olunmalıdır